Një veturë është përfshirë mëngjesin e sotëm nga zjarri.

Flora Ahmeti, zëdhënëse e Policisë së Kosovës, konfirmoi për Showks.info se rasti ka ndodhur rreth orës 08:50.

“Sot rreth orës 08:50, kemi pranuar informatën për një incident zjarri në rrugën ‘Xheladin Hana’ në Prishtinë, ku është djegur një veturë. Në vendngjarje kanë dalë zjarrfikësit dhe policia, të cilët janë marrë me rastin. Zjarri është lokalizuar, nuk është raportuar për ndonjë person të lënduar”, shtoi ajo.

Ahmeti pohoi tutje se aktualisht po kryhen ekzaminimet e nevojshme në vendin e ngjarjes. /Showks.info/