Policia e Kosovës ka raportuar tri raste të tentim-vrasjes në 24 orët e fundit, të cilat kanë ndodhur në qytetet e Gjakovës, Pejës dhe Gjilanit.
Gjakovë, 20.12.2024, 09:28
Pas një mosmarrëveshje mes dy familjeve, një i dyshuar ka qëlluar me armë zjarri një viktimë mashkull, duke i shkaktuar lëndime trupore. Viktima është dërguar për trajtim mjekësor në Spitalin Rajonal të Gjakovës. Në vendin e ngjarjes janë gjetur dy gëzhoja dhe gjatë kontrollit në shtëpinë e të dyshuarit janë sekuestruar dy pistoleta dhe 12 fishekë. Pas intervistimit, i dyshuari është dërguar në mbajtje me vendim të prokurorit.
Pejë, 20.12.2024, 13:00
Një ankues ka raportuar se ishte sulmuar me thikë nga tre të dyshuar, meshkuj kosovarë, të cilët më pas janë larguar në drejtim të panjohur. Viktima ka marrë trajtim mjekësor dhe është liruar pas pak kohësh. Dy të dyshuarit janë arrestuar dhe dërguar në mbajtje, ndërsa një i dyshuar tjetër është në arrati.
Gjilan, 20.12.2024, 22:40
Viktima mashkull kosovar ka raportuar se është sulmuar nga disa persona të dyshuar. Në vendin e ngjarjes është gjetur një armë pistoletë e papërdorur, së bashku me një shkop druri të thyer, që dyshohet të ketë qenë përdorur për të goditur viktimën. Viktima është dërguar në Spitalin e Gjilanit dhe më pas në QKUK për trajtim mjekësor. Rasti është nën hetime.
Policia po heton për këto incidente të dhunshme.
