Policia ka njoftuar se ka sekuestruar dy armë në Ferizaj, lidhur me rastin ka ndaluar dy persona.
Në njoftim thuhet se njëri rast ka ndodhur në një kafiteri, transmeton Showks.info.
“Me datën 20.12.2024, rreth orës 11:40 kemi pranuar një informatë se një person posedon me vete armë zjarri dhe është duke qëndruar në një kafiteri. Pjesëtarët e Njësisë së Reagimit të Shpejtë në rroba civile menjëherë janë nisur në atë drejtim dhe kanë hasur personin L.S (M/K) i moshës 17 vjeç, tek i cili është gjetur një armë zjarri (pistoletë). I dyshuari është shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit të shtetit është liruar për procedurë të rregullt hetimore, ndërsa si provë materiale arma është konfiskuar”, thuhet në njoftim.
Ndërsa, më datën 20.12.2024, rreth orës 17:30, gjatë patrullimit, policët e stacionit në Shtime kanë ndaluar një veturë me targa vendore dhe gjatë kontrollimit të veturës dhe personave, tek i dyshuari E.S (M/K) i moshës 26 vjeç është gjetur një armë zjarri (pistoletë). I dyshuari është shoqëruar në stacionin e policisë.
Pas intervistimit nga policët hetues, me vendim të prokurorit të shtetit, i dyshuari është ndaluar në mbajtje për 48 orë, për procedura të tjera hetimore, ndërsa si provë materiale është sekuestruar arma e zjarrit.
/Showks.info/
