Një veturë është rrokullisur gjatë garës ‘Off Road’ në Shtime, duke shkaktuar lëndime për dy shtetas të Maqedonisë së Veriut.

Zëdhënësi i policisë për rajonin e Ferizajt, Kanun Veseli, ka konfirmuar ngjarjen.

Sipas tij, të lënduarit janë dy meshkuj të moshave 35 dhe 23 vjeç, të cilët janë trajtuar në Qendrën e Mjekësisë Familjare në Shtime dhe janë liruar pas trajtimit mjekësor.

“Sot rreth orës 13:25 kemi pranuar një informacion se gjatë garës me vetura në ‘Off Road’ në Shtime, dy shtetas të Republikës së Maqedonisë së Veriut (shoferi 35 vjeç dhe pasagjeri 23 vjeç) kanë pësuar lëndime të lehta trupore. Ata janë trajtuar në Qendrën e Mjekësisë Familjare dhe janë liruar. Policia e Shtimes është duke trajtuar rastin,” ka thënë Veseli.

showks.info